अछाम- अछाममा एक सुत्केरी महिलाको हेलिकप्टर द्वारा उद्धार गरिएको छ । आज बिहिबार ढकारी ६ का तपेन्द्रबहादुर शाही की ३१ बर्षीय श्रीमती कौशीकुमारी बुढा लाई सुत्केरी ब्यथा लागि लागेपछि ढकारी गाँउपालिका वडा नं ६ ढुङ्गाचाल्ना स्थित स्वास्थ्य चौकीमा ल्याईएकोमा त्यहाँ सुत्केरी हुन नसक्दा हेलिकप्टर मार्फत उद्धार गरिएको हो ।
उनको उपचारको लागि कर्णाली प्रदेश प्रादेशिक अस्पताल सुर्खेत रिफर गरिएको अछाम प्रहरीले जनाएको छ।
ग्रामिण सडक खराब भएका कारण एम्बुलेन्स द्वारा उद्वार गर्न नसकिने भएकोले आज दिउसो २ बजेको समयमा नेपाली सेनाको हेलिकप्टर द्वारा सुर्खेत पठाएको बताईएको छ ।
