धनगढी- नागरिक उन्मुक्ति पार्टी (नाउपा) का संरक्षक रेशमलाल चौधरीले कैलालीको टीकापुरलाई छुट्टै जिल्ला बनाउने उद्घोष गरेका छन् ।
शुक्रबार नाउपाले आयोजना गरेको टीकापुर विद्रोह दिवसलाई सम्बोधन गर्दै उनले टीकापुर जिल्ला बनाउने आफ्नो पाइला कसैले पनि रोक्न नसक्ने बताए । उनले टीकापुर जिल्ला बनाउन स्वर्गीय खड्क बहादुर सिंहको योजनामा आफू हिँडिरहँदा अनेक षड्यन्त्र गरिएको उनको भनाइ छ ।
‘टीकापुर जिल्ला बनाउने स्वर्गीय खड्क बहादुर सिंहको योजनामा रेशम चौधरीले पैँताला टेक्दैथियो । २०२७ सालमा घोषणा हुनै लागेको टीकापुर जिल्लाबाट सधैँ अरु मान्छेहरू त्रस्त भइरहे ।
रेशम चौधरीले टेकेको पैँतालामा टीकापुर जिल्ला बनिहाल्छ कि भन्ने उत्तर, दक्षिण, पूर्व, पश्चिमका अन्य साथीहरुलाई ठूलो डर थियो । यो मञ्चबाट आज म उद्घोष गर्दैछु, टीकापुर जिल्ला एक बन्छ, दुई बन्छ, तीन बन्छ,’ उनले भने ।