धनगढी- एक्सपर्ट एजुकेशन एण्ड भिसा सर्भिसेसले धनगढीमा एजुकेसन एक्सो पो कार्यक्रमको आयोजना गर्ने भएको छ । बुधबार धनगढीमा पत्रकार सम्मेलन गरी यस्तो जानकारी दिएको हो भोली बिहिबार ३१ गते बिहान १० बजे देखि ३ बजे सम्म धनगढीमा कार्यक्रमको आयोजना हुने छ ।
धनगढीको एक्सपर्ट एजुकेशन एण्ड भिसा सर्भिसेजका कार्यालयमा आयोजना हुने सो एक्सो कार्यक्रममा अध्ययनका लागि विदेश जान चाहने विद्यार्थीहरूले भाग लिन सक्ने र उनीहरूलाई निशुल्क प्रवेशको व्यवस्था गरिएको एक्सपर्ट एजुकेशन एण्ड भिषा सर्भिसेज धनगढीका प्रबन्ध निर्देशक निलम चौधरीले बताइन् । उनले सो कार्यक्रममा अभिभावकहरू पनि आउन सक्ने बताइन् ।
कार्यक्रममा विदेशका विभिन्न विश्वविद्यालयहरूका प्रतिनिधिहरूको पनि सहभागिता रहनेछ । कार्यक्रममा विदेशमा अध्ययन गर्न चाहने विद्यार्थीहरूको परामर्श र मार्गदर्शन गरिने चौधरीको भनाइ छ । एक्सपर्ट एजुकेशन एण्ड भिषा सर्भिसेस धनगढी शाखाले विभिन्न समयमा विद्यार्थीहरूलाई शैक्षिक सम्मेलन मार्फत जानकारी दिँदै आएको छ ।
अष्ट्रेलिया क्यानडा, बेलायत, अमेरिका लगायतका देशहरूमा उच्च शिक्षा हासिल गर्नका लागि जाने विद्यार्थीहरूलाई एक्सपर्ट एजुकेशन एण्ड भिषा सर्भिसेसले धनगढीबाट सुविधा दिँदै आएको छ ।
विशेष गरी अष्ट्रेलिया, युके, क्यानाडा र युकेएसमा अध्ययन गर्न चाहने विद्यार्थीलाई लक्षित गरी एक्सपर्टले बेला बेलामा सेमिनारको पनि आयोजना गर्दै आएको प्रबन्ध निर्देशक चौधरीले बताइन् । एक्सपर्टले विद्यार्थीहरूलाई अष्ट्रेलियाको विभिन्न विश्वविद्यालय सम्म पुर्याउने काम गर्दै आएको छ ।
सन् २००३ मा अष्ट्रेलियाको सिड्नीमा स्थापना भएको एक्सपर्टले अष्ट्रेलिया र नेपालमा गरी २२ देशहरूमा शाखा कार्यालय विस्तार गरी विद्यार्थीहरूलाई शैक्षिक परामर्श लगायत अन्य सेवा र सुविधा पनि प्रदान गर्दै आएको जनाइएको छ ।