बझाङ– बझाङबाट एक युवक बेपत्ता भएका छन् । जिल्लाको खप्तड छान्ना गाउँपालिकाका–२ लामातोलाका २० वर्षीय राजेन्द्र सार्की असार २४ गतेदेखि बेपत्ता भएका हुन् ।
उनलाई अन्तिम पटक बझाङबाट धनगढी जाने बसमा देखेको स्थानीयले बताएका छन् । त्यसपछि भने उनी कसैको सम्पर्कमा नआएको परिवारले बताएको छ ।
मानसिक अवस्था असामान्य रहेका राजेन्द्रलाई देख्ने जोकोहीले नजिकको प्रहरी या मोबाइल नम्बर ९७६९९६५७१५ मा सम्पर्क गर्न परिवारले आग्रह गरेको छ ।