डोटी- डोटीमा एक जनाको गोठ, कुखुरा र बाख्रा फर्ममा आगलागी भएको छ। जिल्लाको जोरायल गाउँपालिका–४ जडेपानीका गोपाल बोहराको गोठमा आगलागी भएको हो ।
आगलागीबाट गोठमा बाँधिएको एक बाच्छो जलेको छ । यस्तै सोहि गोठको आगो कुखुरा र बाख्रा फर्ममा समेत सल्किन गइ आगलागी भएको छ ।
आगलागीबाट १६ वटा कुखुरा जलेर मरेका छन् । आगालगीबाट अन्दाजी ८० हजार बराबरको क्षति भएको छ । आगलागीको कारण भने खुलेको छैन्, घटनाबारे थप अनुसन्धान भइरहेको जिल्ला प्रहरी कार्यालय डोटीले जनाएको छ ।