अत्तरिया- कैलालीको गोदावरी नगरपालिका वडा नम्बर ८ स्थित स्याउले बजारमा हाइमास्ट लाइट जडान गरिने भएको छ । पूर्व पश्चिम महेन्द्र राजमार्ग र खुटिया-दिपायल सडकखण्डको केन्द्र मानिएको स्याउलेमा हाइमास्ट लाइट जडानको प्रक्रियामा अगढी बढेको जानकारी नगर प्रमुख बिरेन्द्र भट्टले बताएका छन ।
बजारमा रातको समयमा हुने आवतजावतमा सहजता ल्याउन, अँध्यारोमा घट्नसक्ने अप्रीय घटना न्यूनीकरण गर्न र रात्रिकालीन उद्योग तथा व्यापार व्यवसायहरूलाई प्रवर्द्धन गर्न तथा सहरको सौन्दर्य अभिवृद्धि गर्न स्मार्ट सडक बत्ती अपरिहार्य रहेको नगर प्रमुख भट्टले बताएका छन ।
यसै चोकको बिचमा सानो आकारको पार्क बनाउने तयारीमा रहेको र बिच भागमा बत्ती जडानका लागि सडकसँग समन्वयका लागि प्रयास भई रहेको भट्टले बताएका छन ।
गोदावरी नगरपालिकाको महेन्द्र राजमार्गमा पर्ने सडक खण्ड अन्तरगत बाक्लो बस्ती र जनघनत्वलाई मध्यनजर गर्दै आगामी दिनमा मालाखेती चोक, चौकीडाँडा, बसपार्क, लालपुर चोक लगायर ठाउँमा हाइमास्ट लाइट जडानको तयारीमा रहेको भट्टले बताएका छन ।