कैलाली- कञ्चनपुरबाट कैलालीका एक युवक पक्राउ परेका छन् । कैलालीको कैलारी गाउँपालिका वडा नम्बर ५ का २१ वर्षीय बिजय चौधरी लागूऔषध सहित कञ्चनपुरको पुनर्वास नगरपालिका-११ डोके बजारबाट पक्राउ परेका हुन् ।
१ ग्राम ६ सय मिलिग्राम लागूऔषध खैरो हेरोईन र २० ग्राम २ सय ५० मिलिग्राम लागू औषध जस्तो देखिने कालोपदार्थसहित चौधरी मंगलवार साँझ पक्राउ परेको प्रहरीले बताएको छ ।
प्रहरी चौकी परासनबाट खटिएको प्रहरी टोलीले भारतबाट नेपाल तर्फ आउँदै गरेको अवस्थामा चेकजाँच गर्दा उनको साथबाट उक्त पदार्थ फेला परेको थियो । उनीमाथी प्रहरीले थप अनुसन्धान गरिरहेको छ ।