बझाङ- बझाङमा अलकत्रा हाल्ने मेसिनमा आगलागी हुँदा एक जना घाइते छन् । बझाङको केदास्यु गाउँपालिका-५ अख्तरबगरस्थित बागथला बिजगाडा सडक कालोपत्र गर्ने क्रममा आगलागी हुँदा मेसिन अपरेटर घाइते छन् ।
सोमबार साँझ ६ः३० बजे सडक पिच गर्ने क्रममा अलकत्रा हाल्ने मेसिनमा एक्कासि आगलागी भएको जिल्ला प्रहरी कार्यालय बझाङले जनाएको छ । आगलागी हुँदा मेसिन जलेर पूर्ण रुपमा क्षति भएको छ । आगलागीमा जलेर गम्भीर घाइते भएका मेसिन अपरेटर चालक बित्थडचिर गाउँपालिका-२ का २८ वर्षीय डम्बर बोहराको प्राथमिक स्वास्थ्य केन्द्र देउरा हुँदै थप उपचारको लागि माया मेट्रो अस्पताल धनगढी रिफर गरिएको छ ।