कञ्चनपुर- कञ्चनपुरमा विभिन्न मुद्दामा फरार रहेका तीन जना पक्राउ परेका छन् । लागुऔषधको मुद्दामा फरार रहेका चरा भनीने रामप्रसाद डगौरा पक्राउ परेका छन् । उनलाई २०७९ मंसिर २१ गते १० महिना २१ दिन कैद, चार सय जरीवाना तोकिएको थियो ।
यस्तै विरेन्द्र चन्द र इन्द्रबहादुर रावत पनि पक्राउ परेका छ। विरन्द्रलाई कुटपिट मुद्दामा २०४८ असोज २७ गते ७५० रुपैँया जरिवाना र इन्द्रलाई २०६० चैत्र ५ गते कुटपिटकै मुद्दामा एक हजार ८७५ रुपैँया जरिवाना तोकिएको थियो ।
लामो समयदेखि फरार रहेका तीनै जनालाई आइतवार पक्राउ गरि अदालतमा पठाएको जिल्ला प्रहरी कार्यालय कञ्चनपुरका प्रवक्ता प्रहरी नायव उपरीक्षक प्रकाश डाँगीले बताए ।