कञ्चनपुर- कञ्चनपुरमा एक युवकको साथबाट खुकुरी र गाँजा भेटिएको छ । कञ्चनपुर प्रहरीले शुक्लाफाँटा नगरपालिका वडा नं.७ का २२ वर्षीय शुसिल चौधरीको साथबाट खुकुरी र गाँजा भटाएको हो ।
शुक्रवार साँझ प्रहरीले शुक्लाफाँटा नगरपालिका-७ झण्डाभोज गाउँबाट ७७.२१ ग्राम लागूऔषध (गाँजा) सहित उनलाई खुकुरी र लागूऔषध सहित पक्राउ गरेको छ । ईलाका प्रहरी कार्यालय झलारीबाट खटिएको प्रहरी गस्ति टोलीले उनको साथबाट गाँजा र धारिलो हतियार (खुकुरी) एक थान फेला पारी चौधरीलाई पक्राउ गरेको बताएको छ । यस सम्बन्धमा प्रहरीले थप अनुसन्धान गरिरहेको छ ।