दार्चुला- दार्चुलाको मार्मा गाउँपालिकाबाट चीतुवाको छाला सहित एक युवकलाई प्रहरीले पक्राउ गरेको छ । आइतबार जिल्ला प्रहरी कार्यालय दार्चुला र नेपाल प्रहरी प्रदेश कार्यालय महेन्द्रनगरको संयुक्त टोलीले चीतुवाको छाला सहित पक्राउ गरेको हो ।
जिल्ला प्रहरी कार्यालय दार्चुलाका अनुसार चीतुवाको छाला सहित नौगाड गाउँपालिका ४ सिफ्टी बस्ने अन्दाजी ३६ वर्षीय शेरसिंह धामी पक्राउ परेका हुन् । उनलाई २ थान छाला सहित मार्मा गाउँपालिकाबाट समातिएको हो । अहिले घटनाबारे थप अनुसन्धान भैरहेको प्रहरीले जनाएको छ ।