एसपिए र होलिल्याण्ड धनगढी कपको फाइनलमा प्रवेश

Purbadhar dadeldhura

धनगढी- कैलालीको धनगढीमा जारी श्री कलेज धनगढी कप फुटवल प्रतियोगिताको उपाधिका लागी धनगढी स्थित सुदूरपश्चिमाञ्चल एकेडेमी र अत्तरिया स्थित होलिल्याण्ड सेकेन्डरी स्कुल भिड्ने भएका छन् । धनगढी रगंशालामा बुधबार भएको सेमि फाइनल खेलबाट सो दुई टिम फाइनलमा प्रवेश भएका हुन् ।

Malpot office dadeldhura

बुधबार भएको पहिलो खेलमा सुदूरपश्चिमाञ्चल एकेडेमीले सैनिक आवासिय माध्यमिक बिद्यालय तेघरीलाई १-० गोल अन्तरले पराजित गर्दै आफ्नो फाइनल यात्रा तय गरेको हो । खेलको दोश्रो हाफमा सुदूरपश्चिमाञ्चल एकेडेमीका आयान मन्सुरीले गोल प्रहार गर्दै फाइनल यात्रा तय गर्न सफल भएका हुन् । सुदूरपश्चिमाञ्चल एकेडेमीको एक गोलका बिरुद्ध सैनिक आवासिय माध्यमिक बिद्यालयले ठुलो प्रयास गरेपनि सफल हुन सकेन । सुदूरपश्चिमाञ्चल एकेडेमीकै आयान मन्सुरी पहिलो खेलको म्यान अफ द म्याच बने ।

बुधबार नै भएको दोश्रो खेलमा धनगढी स्थित एलायन्स इन्टरनेश्नल स्कुललाई १-० गोल अन्तरले पराजित गर्दै अत्तरियाको होलिल्याण्ड सेकेन्डरी स्कुलले आफ्नो फाइनल यात्रा तय गरेको हो । खेलको पहिलो हापको १२ मिनेटमै होलिल्याण्डका राजु लामाले गोल प्रहार गरे । होलिल्याण्डका बिरुद्ध एलायन्सले गोल फर्काउन सकेन । दोश्रो खेलको म्यान अफ द म्याच पनि होलिल्याण्डका राजु लामा बने । यस संगै बिहिबार धनगढी कपको उपाधिका लागी यि दुई टिम भिड्ने छन् ।

१० बिद्यालय सहभागी प्रतियोगिताको विजेताले नगद ५० हजार र उपविजेताले नगद २५ हजार साथै मेडल , ट्रफि र प्रमाणपत्र प्राप्त गर्ने आयोजक संस्था लिटल फ्लावर स्पोट्स एण्ड इभेन्ट प्रा.लीका अध्यक्ष रामचन्द्र शाहीले बताएका छन् । सर्वोत्कृष्ट खेलाडीले नगद ६ हजार, उत्कृष्ट गोलकिपरले नगद ३ हजार, उदयमान खेलाडीले नगद ३ हजार र प्रत्येक खेलको प्लेयर अफ द म्याचले नगद ५ सयका साथै मेडल, ट्रफि र प्रमाणपत्र प्राप्त गर्ने छन्।

add haru
Dadeldhura Aspatal & Ban
Loading...