अत्तरिया, २२ असार- कैलालीको गोदावरी नगरपालिकाले उत्कृष्ट न्यायिक समिति सदस्य र मेलमिलापकर्ताहरुलाई नगद सहित सम्मान गरेको छ । नगरपालिकाको न्यायिक समितिले आज एक कार्यक्रमको आयोजना गरि न्यायिक समितिका उत्कृष्ट सदस्य र १२ ओटै वडाहरुमा रहेका मेलमिलापकर्ताका संयोजकहरुलाई नगद सहित सम्मान गरेको हो ।
उत्कृष्ट न्यायिक समिति सदस्य तथा मेलमिलापकर्ता मुल्याङ्कन प्रोत्साहन कार्यक्रम मार्फत गोदावरी नगरपालिकाका नगरप्रमुख हरी सिह साउँद, उपप्रमुख रत्ना कडायत, प्रमुख प्रशासकीय अधिकृत देवराज जोशीले प्रत्येक वडाका एक/एक जना गरी १२ जना मेलमिलापकर्ताका संयोजक, लामो समयदेखी मेलमिलापकर्ताको रुपमा काम गर्दै आएका २ जना र एक जना न्यायिक समिति सदस्य गरी १५ जनालाई नगद रु १२ सय र दोसल्ला ओडाएर कदर पत्र सहित सम्मानित गरेका हुन् । कार्यक्रममा बोल्दै नगरप्रमुख साउँदले गोदावरी नगरपालिको न्यायिक समितीले न्याय सम्पादनमा महत्वपूणर् काम गरेको बताए ।
त्यसैगरी उक्त कार्यक्रममा बोल्दै नगरपालिकाकी उपप्रमुख एवम न्यायिक समिति संयोजक कडायतले न्याय सम्पादनमा महत्वपूणर् काम गरिरहेको वडाका मेलमिलापकर्ता संयोजकहरुलाई प्रोत्साहन गर्नका लागि सानो भएपनि नगद सहित सम्मानित गरिएको बताइन् ।
