कञ्चनपुरको त्रिभुवन विद्यालयका कार्यालय सहयोगीले चोरे हेन्डपम्प

कञ्चनपुर- कञ्चनपुरमा एक विद्यालयका कार्यालय सहयोगीले सार्वजनिक सम्पत्ति चोरी गरेको आरोप लागेको छ । जिल्लाको बेलौरी नगरपालिका–९ रतनपुरस्थित त्रिभुवन माध्यमिक विद्यालयका सहयोगीलाई सार्वजनिक सम्पत्ति चोरीको आरोप लागेपछि निलम्बनको तयारी गरिएको छ।

विद्यालय सहयोगीका देव सिंह ठगुन्नाले विद्यालयको हेन्डपम्पमा जडान गरिएको मोटर चोरी गरेको स्वीकारेपछि विद्यालयले निलम्बनको तयारी गरेको विद्यालय व्यवस्थापन समितिले जनाएको छ ।

Navadurga sun

विद्यालय व्यवस्थापन समिति अध्यक्ष दिपकराज ओझाले भदौ १२ गते जडान गरिएको मोटर कार्यालय सहयोगी ठगुन्नाले चोरी गरी बेचेको बताए । १२ गते मोटर नयाँ किनेर ल्याएको र १३ गते चोरी भएको अध्यक्ष ओझाले बताए ।

उनीमाथि शङ्का थियो, प्रहरीमा उजुरी दिएपछि आफूले नै चोरेर बेचेको स्वीकार गरेको उनले बताए । उनले यस अघि पनि विद्यालयका तीन वटा मोटर समेत चोरी गरी बेचेको स्वीकार गरेका छन्।

ती मोटरको रकम ठगुन्नाले विद्यालयलाई दिने सहमति भएपछि ईलाका प्रहरी कार्यालय बेलडाँडीमा परेको उजुरी विद्यालयले फिर्ता लिएको प्रहरी निरीक्षक कृष्ण कुवरले बताए ।

अहिले र पहिलेको चोरीमा संलग्न भएको स्वीकार गरिसकेको र केही दिनमै बैठक बसी कानुन अनुसार कारबाहीको प्रक्रिया अगाडि बढाउने बताए। व्यवस्थापन समिति अध्यक्ष ओझाले चोरी गरेको स्वीकार गरेपछि ठगुन्नालाई विद्यालय व्यवस्थापन समितिले कानुन अनुसार निलम्बन गरिने बताएका छन्।

 

 

ADD Khali jpg
Loading...