कञ्चनपुरको सोनापुरमा नमुना बस्ती निर्माण हुँदै

महेन्द्रनगर– कञ्चनपुरको भीमदत्त नगरपालिका–१३ सोनापुरमा नमुना बस्ती निर्माण भइरहेको छ् । वडाध्यक्ष रामचन्द्र बोहराको विशेष पहलमा विगत चार दशकदेखि खर र भुसका झुपडीमा बस्दै आएका १८ घर परिवारका कच्ची घर विस्थापित गरी नगरकै नमुना बस्ती निर्माण भइरहेको छ ।

विगत चार दशकदेखि १८ घर परिवार रहेका सोनापुर बस्तीका कच्ची घरहरूलाई विस्थापित गरी वडाध्यक्ष बोहराको पहलमा उक्त नमुना बस्ती बन्न लागेको हो । प्रतिघर तीन लाख अनुमानित बजेटमा दुई कोठा, एक भान्सा र एक बरण्डासहितको १८ वटा पक्की घर निर्माण हुनेछन् । वडामै सबैभन्दा पिछडिएको बस्तीका रूपमा परिचित सोनापुर टोलमा अधिकांश दलित समुदायको बाहुल्य छ ।

Navadurga sun

वडाध्यक्ष बोहराले आफू स्वत्रन्त्रबाट निर्वाचनमा भएपश्चात् वडाका विभिन्न समस्यामा वडा कार्यसमितिकै सुझाव र सल्लाहबमोजिम पहल गरेको बताए । उनले भने, ‘विगत लामो समयदेखि पिछडिएको सोनापुर टोलका नागरिकको घर परिवारकै आर्थिक अवस्था कमजोर भएका कारण वर्षौंदेखि झुपडीमै बस्न बाध्य भएकाले विभिन्न संघ संस्था, सामाजिक व्यक्तित्व तथा सामाजिक अभियन्ताबाट सहयोगको अपिल गरी उक्त बस्तीलाई नगरकै नमुना बस्ती बनाउने पहल गरेको छु ।’

यस बस्तीका पुरुषहरू दैनिक गुजारा गर्न भारतीय सहरमा मजदुरी गर्न जान्छन् भने महिलाहरू महाकाली नदीमा गिट्टी, बालुवा छान्ने काम गर्दछन् । सोनापुर टोलमा बस्ने १८ घर परिवारको जग्गासमेत ऐलानी भएको र उनीहरूले बताए । उक्त बस्तीका स्थानीय हेमराज सुनारले राम्रोसँग खान लाउन नपुगे तापनि बासका लागि वडाध्यक्षको पहलमा पक्की घर बन्ने भएसँंगै आफूहरू राम्रोसंँग बस्न र सुत्न पाइने भयो भन्दै खुसी व्यक्त गरे ।

हाल १८ वटा पक्की घर नमुना बस्तीका रूपमा निर्माण गरिने र त्यसपछि भीमदत्त नगरपालिका–१३ भित्र रहेका थप १२ वटा खरका कच्ची घर विस्थापित गरी पक्की घर निर्माण गर्ने वडा कार्यालयले जनाएको छ । घर निर्माणका लागि सिमेन्टका ब्लकसमेत सोही स्थानमा उत्पादन गर्न सुदृढ परियोजनाअन्तर्गत एनएनएस डब्लु ए र महाकाली युवा उद्यम कृषि समूहको आर्थिक सहयोगमा इन्टरलक इँटा व्यवसायसमेत स्थापना गरिएको छ ।

 

ADD Khali jpg
Loading...