बाजुरा- बाजुराको खप्तड छेडेदह गाउँपालिका –२ मा को पीपल गाउँ बस्ती पहिरोको उच्च जोखिममा रहेको छ । गत साउन १९ देखि २२ गते सम्म लगातार परेको अविरल बर्सातका कारण गाउँको माथिबाट पहिरो आएपछि पीपल गाउँ बस्ती पहिरोको जोखिममा परेको हो ।
साउनको १९ गते राती बस्तीको माथिबाट पहिरो आएपछि झन्डै ४० घरपरिवार पहिरोको उच्च जोखिममा रहेको छेडेदह गाउँपालिका –२ पीपल गाउँका स्थानीय बिरे कुँवरले बताए ।
उनले , केही वर्ष पहिला पनि यसरी नै गाउँ माथिबाट पहिरो आउँदा दुई÷ चार घर मात्र हुन । यो वर्ष भने पहिरोले पुरै बस्ती नै जोखिम परेको बताए । पहिरोले खेतीपाती घर सबै बगाएपछि यती बेला पीपल गाउँ बस्तीकै उठीबास भएको छ । बर्खाको समय कतै जान जस्तो पनि सुरक्षित ठाउँ छैन । यती बेला यो बस्तीका स्थानीयलाई ज्यान जोगाउन नै सकस भएको कुँवरले बताए ।
पहिरोले जोखिममा रहेको पीपल गाउँ बस्तीका लागि अहिले तत्काल त्रिपालको व्यवस्था गर्दै सुरक्षित ठाउँमा राख्ने बाहेकको अन्य कुनै व्यवस्था हामी सम्म नभएको खप्तड छेडेदह गाउँपालिका –२ का वडा अध्यक्ष भक्त बुढाले बताउनुभयो ।उसो त यो समस्या पीपल गाउँवासीको मात्र नभई जिल्लाका अन्य गाउँ बस्तीको पनि उस्तै छ ।
बर्खा लागेसँगै हिमाली, जगनाथ, स्वामिकार्तिक, बुढीनन्दा, बडिमालिका, गौमुल, त्रिवेणी, बुढीगङगा र छेडेदहका भिरालो तथा पाखो जमिनमा रहेका बस्तीमा पानी परेको बेला माथिबाट पहिरो जान थालेपछि ती बस्ती बाढी पहिरोको जोखिम रहँदै आएका जिल्ला प्रहरी कार्यालय बाजुराले जनाएको छ ।
बाढी पहिरोले यो वर्ष बाजुरामा ४ जनाको मृत्यु ३ जना घाइते १ जना बेपता भएका छन् । त्यसै गरी २७ वटा चौपाया समेत मरेका छन् । भने ५३ घर पुर्णरुपमा भत्किँदा झन्डै ५० लाख भन्दा बढीको क्षति भएको जिल्ला प्रहरी कार्यालय बाजुराका प्रहरी निरीक्षक रवीन्द्र कठायतले बताए ।गोरखापत्रबाट
