धनगढी- कैलालीमा लागु औषधसहित दुई जना पक्राउ छन्। जिल्लाको टीकापुर नगरपालिका वडा नम्बर–१ गणेशपुरमा आइतबार इलाका प्रहरी कार्यालय टीकापुरबाट खटिएको प्रहरी टोलीले २५ वर्षीय अनिल चौधरी र ब्लक नम्बर–१९ का २५ वर्षीय डायमन्ड विक्रम शाहलाई पक्राउ गरेको हो।
शङ्का लागि चेकजाँच गर्दा शाहले लगाएको हाफ पाइन्टको दायाँ तर्फको खल्तीमा लुकाई छिपाइ राखेको १८० मिलिग्राम खैरो हेरोइन र चौधरीले बोकेको झोला भित्र ५२० मिलिग्राम लागु औषध फेला पारी उनीहरूलाई नियन्त्रणमा लिइएको हो।
चौधरीको घरको कोठासमेत खानतलासी गर्दा कोठाबाट २ ग्राम ९०० मिलिग्राम लागु औषध फेला पारी बरामद गरेको प्रहरीले बताएको छ। दुबैलाई नियन्त्रणमा राखी थप अनुसन्धान भइरहेको इलाका प्रहरी कार्यालय टिकापुरले जनाएको छ।
