धनगढी- कैलालीको गेटामा शहिद दशरथचन्द राष्ट्रिय स्वास्थ्य विज्ञान विश्वविद्यालय स्थापनार्थ होम गरिने भएको छ। दबाबमूलक कार्यक्रम अन्तरगत कैलालीको गेटामा बुधवार बिहान होम गर्न लागिएको शहिद दशरथचन्द राष्ट्रिय स्वास्थ्य विज्ञान विश्वविद्यालय सङ्घर्ष समितिले जनाएको हो।
गेटास्थित शहिद दशरथचन्द राष्ट्रिय स्वास्थ्य विज्ञान विश्वविद्यालयको मूल गेट अगाडि भोलि २१ गते बिहान ७ः ०० बजे ब्राह्मण मन्त्र सहितको होम गरिने सङ्घर्ष समितिका संयोजक लोकराज पाण्डेले बताए ।सङ्घर्ष समिति संयोजक पाण्डेले चालू सांसदमा मेडिकल विश्वविद्यालयको विधेयक पास गरी यथाशीघ्र ६०० शैय्याको अस्पताल सञ्चालनका लागि दबाब दिन होम गर्न लागिएको बताए ।
सरकारले माघ २९ गते मन्त्रिपरिषद् बैठकबाट गेटामा शहिद दशरथचन्द राष्ट्रिय स्वास्थ्य विज्ञान विश्वविद्यालय स्थापना घोषणा गरेर जेठ ५ को नीति कार्यक्रममा पनि समेटेको भए पनि जेठ १५ को बजेट भाषणमा गेटामा प्रतिष्ठान बनाएर १ सय शैय्याको अस्पताल चलाउने बताएपछि सुदूरपश्चिममा आन्दोलन सुरु भएको थियो ।
चालू सांसदमा मेडिकल बिश्वबिद्यालयको बिधयक पास गरियोस् र यथाशीघ्र ६०० शैय्याको अस्पताल सञ्चालन गरियोस् भन्ने माग स्वरूप सरकारलाई दबाब दिइएको उनले बताए ।
