धनगढी- कैलालीमा लागुऔषधसहित दुई जना पक्राउ परेका छन्। जिल्लाको टिकापुर नगरपालिका–६ बेलुवा सडक खण्डमा टिकापुर वडा नम्बर–१ का २९ वर्षीय बिशाल ज्ञवाली र २६ वर्षीय रोशन सुनार पक्राउ परेका हुन्।
बिशालले चलाएको सु।प।प्र।०१०११ प ७२४३ नम्बरको मोटरसाइकललाई शंकालागि चेकजाँच गर्दा चिनी र दाल राखेको कट्टा भित्र प्लाष्टीकको पोकामा लुकाई छिपाई राखेको ४ ग्राम ८१० मिलिग्राम लागुऔषध फेलापारि प्रहरीले नियन्त्रणमा लिएको जनाएको छ।
मोटरसाईकलसहित दुबै जनालाई इलाका प्रहरी कार्यालय टिकापुरबाट खटिएको प्रहरी टोलीले पक्राउ गरेको हो। यस सम्बन्धमा प्रहरीले थप अनुसन्धान गरिरहेको छ।
