कञ्चनपुर- कञ्चनपुरमा मोटरसाईकल र भन्सार छलीका सामान बरामद गरिएको छ। जिल्लाको बेलौरी नगरपालीका–१० भुडा लठ्ठाघाट स्थित नेपाल भारत सिमाना नजिक शुक्रबार साँझ सडक किनारामा भारतबाट भन्सार छली ल्याएका बिभिन्न सामान प्रहरी बरामद गरेको हो ।
भारतबाट भन्सार छली ल्याएकाटमाटर, बोडी हरियो, खुर्सानी, काक्रा, सिम्ला मिर्च, भिण्डी लगायतका अनुमानित १५ हजार मुल्य बराबरको तरकारी वेवारिसे अवस्थामा फेला पारेको हो। ईलाका प्रहरी कार्यालय बेल्डाडीबाट खटिएको प्रहरी टोलीले बेवारिसे अवस्थामा फेला पारी नियन्त्रणमा लिएको जनाएको छ।
यस्तै, शुक्रबार राती बेलौरी नगरपालिका–२ बैजुडाडाबाट अबैध रुपमा भंन्सार छलि ल्याएका अन्दाजि ९० हजार आठ सय मुल्य बराबरका कुरकुरे, चिसो पेय पदार्थ, फ्रुटी, मैदा, लिचि, जुस लगायतका सामानसहित से.७ प. ७१५ नम्बरको मोटरसाईकल बेवारिसे अवस्थामा फेला पारि प्रहरीले जफत गरेको हो।
यस्तै कञ्चनपुर जिल्लाको भिमदत्तनगरपालिका ४ मा अवैध रुपमा भन्सार छली गरी ल्याएको ६५ हजार मुल्यको फेसियल थेरापि मेसिन १ थान बरामद गरी आवश्यक कार्वाहीको लागी भन्सार कार्यालय गड्डाचौकी कञ्चनपुर पठाईएको छ ।
