कञ्चनपुर- कञ्चनपुरको बेलौरीमा रहेको छोटी भन्सार कार्यालय सञ्चालनको माग गर्दै निजी क्षेत्र र नागरिक स्तरबाट दबाबमूलक कार्यक्रम गरिएको छ।
शनिबार बेलौरी उद्योग वाणिज्य संघको संयोजकत्वमा आयोजित कार्यक्रममा छोटी भन्सार कार्यालय नियमित सञ्चालन र स्तरोन्नतिका लागि सरकारसँग माग गरिएको हो।
कैलाली भन्सार कार्यालयले छोटी भन्सार कार्यालयमा लगाएको ताला खोलाउन र भन्सार नाका स्तरोन्नति गर्न दबाब सृजना गर्ने गरी जनप्रतिनिधि, समाजसेवी, बुद्धिजीवी, राजनीतिकर्मी र पत्रकारहरुको उपस्थितिमा पहिलो चरणको शान्तिपूर्ण कार्यक्रम गरिएको छ।
कञ्चनपुरको दक्षिणी क्षेत्रका सबै सरोकारवाला निकायहरू, जनप्रतिनिधिसहित सबैको साथ सहयोग लिएर अझै सशक्त बिरोधका कार्यक्रमहरू गर्ने भेलामा उपस्थित सबैले प्रतिबद्धता गरेका छन्।
