धनगढी- कैलालीमा लागुऔषधसहित दुई जना पक्राउ परेका छन्। जिल्लाको गोदावरी नगरपालिका–५ गेटाबाट लागूऔषधसहित दुई जना पक्राउ परेका प्रहरीले जनाएको छ।
गोदावरी नगरपालिका–७ का २८ वर्षीय पदम साउँदसहित दुई जनालाई ४ ग्राम ८३० मिलिग्राम, प्रोक्सिब्यान्ड स्पास नामक ट्याब्लेट १६ थानसहित सोमबार साँझ पक्राउ गरिएको इलाका प्रहरी कार्यालय मालाखेतीले जनाएको छ।
प्रहरी चौकी गेटाबाट खटिएको प्रहरी टोलीले प्रदेश २–०३–००५ प ८२२५ नम्बरको मोटरसाइकलमा सवार उनीहरूलाई लागूऔषधसहित पक्राउ गरिएको हो। उनीहरमाथी थप अनुसन्धान भैरहेको प्रहरीले जनाएको छ ।
