अत्तरिया– कैलालीको चुरे गाउँपालिका वडा नं.५ मा स्थित स्वावलम्बी महिला साना किसान कृषि सहकारी संस्था लिमिटेडको पाँचौ बार्षिक साधारण सभा सम्पन्न भएको छ ।
सहकारी संस्थाका अध्यक्ष शान्ती बोहराको सभाध्यक्षतामा भएको कार्यक्रममा प्रमुख अतिथी चुरे गाउँपालिका अध्यक्ष चक्र बहादुर बोगटी रहनु भएको थियो भने विशिष्ट अतिथिमा चुरे गाउँपालिका वडा नं. ५ अध्यक्ष वीर बहादुर धामी र सोही वडाका पूर्व अध्यक्ष नर बहादुर तामाङ रहनु भएको थियो ।
शेयर पूँजी १३ लाख २८ हजार ९ सय रहेको संस्थाले आर्थिक वर्ष २०७८/०७९ मा १६ लाख र शेयर सदस्य ४६० बाट ६०० जना बचत रकम ४४ लाख ७२ हजारबाट ५० लाख पुराउने लक्ष्य राखेको छ । यस सहकारीको कार्य क्षेत्र भित्र सबैलाई शेयर खरिद गर्नु केही सदस्यहरुको छुट भइरहेकोले छुट भएका महिलाहरुलाई संस्थामा आवद्ध गराउने लक्ष्य राखेको छ । सहकारीमा विभिन्न संस्थागत सदस्यहरु जस्तै खानेपानी सिचाई समुह विद्यालय र अन्य सार्वजनिक संस्थाहरुलाई आवद्ध गर्ने लक्ष्य रहेको छ।
आर्थिक बर्ष २०७८।०७९ सम्म विभिन्न शिर्षकमा गरी कुल कर्जा लगानी ५२ लाख ९५ हजार गरेको छ भने आर्थिक बर्ष २०७९।०८० सम्म ७० लाख सम्म ऋण लगानी गर्ने लक्ष्य राखेको छ भने असुली तर्पm १०० प्रतिशत लक्ष्य राखेको छ ।
सहकारीले आर्थिक बर्ष २०७८।०७९ अन्तीम सम्ममा कुल आम्दानी ८ लाख बत्तिस हजार तीन भएको जनाएको छ भने कुल खर्च ७ लाख पचास हजार ६ सय ४९ घटाई कुल नाफा ८१ हजार ३ सय ५४ भएको जनाएको छ । भने आर्थिक बर्ष २०७९।०८० मा कुल नाफा २ लाख गर्ने लक्ष्य राखिएको जनाएको छ ।
कार्यक्रममा स्वागत मन्तव्य पानसरा धामीले राख्नुभएको थियो भने कार्यक्रमको सञ्चालन राधा भाटले गरेकी थिइन् ।