अत्तरिया- कैलालीको गोदावरी नगरपालिका वडा नं. २ मा रहेको साना किसान कृषि सहकारीको लकर तोडेर ५ लाख बढीको चोरी भएको छ । झ्यालको ग्रिल निकालेर भित्र पसेको चोरले लकर टुटाएर ५ लाख ६८ हजार ६ सय ३ रुपैयाँ चोरेर लगेको हो ।
सहकारीका मुख्य प्रबन्धक गोरख खत्रीले बिहीबार बिहान सहकारीमा सफाइ कर्मचारी आउँदा चोरी भएको थाहा पाएको बताए। उनले सहकारीमा सिसिटिभि क्यामेरा जडान गरेको भएपनि चोरले क्यामेराको डिभाइस नै चोरेर लगेको बताए ।
इलाका प्रहरी कार्यालय मालाखेतीका प्रहरी निरिक्षक बासु देव भट्टले चोरले सहकारीको सिसिटिभि क्यामेरा चोरेर लगेकाले सडकमा जडान भएका अन्य क्यामेराको फुटेज चेक जाँच गरि रहेको बताए ।
