बैतडी- बैतडीको दोगडाकेदार गाउँपालिका वडा नम्बर ५ दोलिटोलमा एकसाता देखि विद्युत सेवा अवरुद्ध भएको छ । लामो समय सम्म विद्युत सेवा अवरुद्ध हुँदा सेवाग्राहीलाई समस्यामा परेका छन् । । गएको ७ दिनदेखि विद्युत सेवा अवरुद्ध भएपनि अझै सुचारु हुन सकेको छैन् ।
नेपाल विद्युत प्राधिकरण बैतडी वितरण केन्द्रको लापरवाहीका कारण समयमै विद्युत सेवा सुचारु नभएको उपभोक्ताहरुले गुनासो गरेका छन् । विद्युत अवरुद्ध भएको ७ दिन बितिसक्दा समेत प्राधिकरणको ध्यान नगएको र विद्युत सेवा अनियमित हुँदा समेत प्राधिकरणले ध्यान नदिएको स्थानिय बासी र ग्राहकहरुले गुनासो गरेका छन । सेवा भए पनि त्यसको उपयोग सहि तरिकाले नहुदा अहिले अध्यारोमा बस्न बाध्य भएका दोगडा केदार गाउँपालिका वडा नम्बर ५ का स्थानीय जनक सिह ठगुन्नाले बताए । उयसले गर्दा विद्यार्थीहरुलाई समस्या भएको ठगुन्नाले बताए ।
यता विद्युत प्राधिकरण बैतडी वितरण केन्द्रका अनुसार चट्याङका कारण ट्रान्सफर्मरमा क्षति हुँदा विद्युत सेवा नियमित गर्न ढिलाइ भएको नेपाल विद्युत प्राधिकरण बैतडी वितरण केन्द्रका कार्यालय प्रमुख पवन भट्टले बताए । विद्युत सेवा सुचारु गर्न पहल भइरहेको जनाएको छ ।
