अत्तरिया, २० असार– कैलालीको अत्तरियामा रहेको अत्तरिया हस्पिटलले अत्तरिया बसपार्कमा निःशुल्क स्वास्थ्य शिविर कार्यक्रम संचालन गरेको छ । यातायात व्यवसायी समितिको सहकार्यमा अत्तरिया हस्पिटलले सोमबारदेखी एक हप्तासम्म निःशुल्क स्वास्थ्य शिविर संचालन गर्ने भएको हो ।
शिविर कार्यक्रममा यात्रुलाई लक्षित गर्दै निःशुल्क रुपमा स्वास्थ्य परिक्षण गराउने उद्देश्यका साथ अत्तरियाको बसपार्कमा एक हप्ते निःशुल्क स्वास्थ्य शिवीर संचालन गरेको अत्तरिया हस्पिटलका कार्यकारी निर्देशक डिल्ली राज पाठकले बताए । हस्पिटलले उक्त शिबिरले यात्रा अवधी भर यात्रुलाई आराम र सहज होस भनेर प्राथमिक उपचार सहित औषधी र परामर्श गरिरहेको उनले बताए ।
उक्त स्वास्थ्य शिविरमा करिव ३०० यात्रुलाई सेवा प्रदान गरिएको थियो । शिविरमा प्रेसर, ज्वरो, टाउको दुखाइ, झाडापखाला, बान्ता हुने समस्या भएका यात्रुको जाँच गरिएको हस्पिटलले जनाएको छ । शिविर दैनिक बिहान ७ बजे देखि ११ बजे सम्म निरन्तर संचालनमा आउने कार्यकारी निर्देशक पाठकले बताए ।
