धनगढी, ५ असार- कैलालीमा जंगली हात्तीको आक्रमणबाट एक महिलाको मृत्यु भएको छ । जिल्लाको टीकापुर नगरपालिका वडा नं. १ ब्लक नम्बर १५ की ५० वर्षीया टंक सोडारीको जंगली हात्तीको आक्रमणबाट मृत्यु भएको हो ।
शनिबार साँझ कणर्ाली नदीमा भइरहेको तटबन्धमा मजदुरी गरेर घर फर्किरहेकी सोडारीलाई जङ्गलबाट निस्केका दुईवटा हात्तीले आक्रमण गरेको इलाका प्रहरी कार्यालय टीकापुरले जनाएको छ ।
नदी किनारमा तटबन्धका लागि ढुङ्गा संकलन गरिरहेका तीन जना महिलामध्ये दुई महिला भागेका र सोडारीलाई भने हात्तीले लछारपछार गरी खुट्टा भाँचेर मारेको प्रत्यक्षदर्शीले बताएको प्रहरी नायब उपरीक्षक हेमबहादुर शाहीले बताए ।
