अत्तरिया, २८ जेठ– गोदावरी मिडिया प्रा.लि.द्वारा सञ्चालित गोदावरी एफ.एम ८७.९ मेगाहर्जले आफ्नो प्रसारण यात्राको ११ वर्ष पूरा गरी बाह्रैं वर्षमा प्रवेश गरेको छ ।
वि.सं २०६७ सालमा दर्ता भएर एफ.एमले सञ्चार मन्त्रालयबाट प्रसारण अनुमती पाएको थियो।तर एफ.एमले आफ्नो नियमित प्रसारण भने २०६८ जेठ २८ गतेदेखि सुरू गरेको हो । सोही दिनलाई एफ.एमले हरेक वर्ष आफ्नो वार्षिकोत्सवको रूपमा मनाउँदै आएको छ ।
५०० वाट क्षमतामा प्रसारण हुँदै आएको एफ.एमले समाचार मनोरञ्जन लगायतका विविध कार्यक्रम दैनिक १८ घण्टा प्रसारण गर्दै आएको छ ।
एफ.एमले विगत ११ वर्षदेखि यस क्षेत्रका नागरिकलाई सु-सूचित गर्दै आएको एफएमका प्रबन्ध निर्देशक गोबिन्द रोस्याराले बताए । एफ.एम व्यवस्थापकले आगामी दिनमा पनि प्रसारण क्षमतालाई बढाउँदै लैजाने बताएको छ ।
प्रबन्ध निर्देशक रोस्याराले अनलाइन न्युज पोर्टल गोदावरी न्युजलाई पनि थप शसक्त बनाइने बताए । ११ वर्षको यात्रामा साथ दिने सम्पूर्ण श्रोता, विज्ञापनदाता र शुभचिन्तकहरूमा एफ.एम. ले धन्यवाद ज्ञापन समेत गरेको छ ।
त्यसैगरी गोदावरी एफ. एम को ११ औँ बार्षिकोत्सबको अबसरमा पद्द्मा अस्पतालमा रहेका बिरामीहरुलाई फलफुल जुस बितरण गरेर मनाएकाे छ । बार्षिकोत्सबको अवसरमा यसरी बिरामीहरुलाई फलफुल वितरण गरेर मनाउन पाउँदा हामिलाई माहासन्तुष्टी मिलेको एफ एम का प्रबन्ध निर्देशक रोस्याराले बताए ।
