धनगढी, १५ जेठ– वैशाख ३० गते भएको स्थानीय तहको निर्वाचनमा सहभागी उम्मेदवारलाई खर्च विवरण बुझाउन प्रदेश निर्वाचन कार्यालयले सूचना जारी गरेको छ । आईतबार कार्यालयले एक सूचना जारी गर्दै निर्वाचनका उम्मेदवार तथा निजका प्रतिनिधिलाई निर्वाचन खर्च विवरण उपलब्ध गराउन सूचित गरेको हो ।
निर्वाचन कार्यालयले सम्पूणर् नगरपालिका/गाउँपालिकामा विभिन्न पदमा उम्मेदवार बनेकाहरुले आफूले गरेको निर्वाचन खर्चको विवरण मत परिणाम आएको ३० दिनभित्र अनुसूची-३० बमोजिमको ढाँचामा बुझाउन आग्रह गरेको छ ।
यदि कोही उम्मेदवारहरुले तोकिएको अवधी भित्र खर्च निर्वाचन खर्च नबुझाएमा कानून बमोजिम कारबाही हुने समेत उक्त सूचनामा उल्लेख गरिएको छ ।
