अभिनेत्री श्वेता खड्का राजनीतिमा प्रवेश गरेकी छिन् । मंगलबार प्रधानमन्त्रीको सरकारी निवास बालुवाटारमा आयोजित कार्यक्रममा प्रधानमन्त्री शेरबहादुर देउवाको हातबाट कांग्रेसको सदस्यता लिँदै राजनीतिमा प्रवेश गरेकी हुन् ।
राजनीतिमा प्रवेश गरेसँगै अभिनेत्री खड्काले आफू भ्रष्ट राजनीतिज्ञलाई विस्थापित गर्न राजनीतिमा होमिएको बताएकी छिन् ।
राजनीतिक मूलधारमा प्रवेश गरेकोबारे जानकारी दिँदै अभिनेत्री खड्काले राजनीतिलाई कमाइ खाने माध्यमका रूपमा प्रयोग गरी अकूत सम्पत्तिको आर्जनमा लिप्त हुने भ्रष्ट राजनीतिज्ञहरूलाई विस्थापित गर्न आफू राजनीतिमा अग्रसर भएको बताएकी छिन् ।
उनले विद्यार्थी जीवनदेखि नै बीपी कोइरालाबारे पढ्दै र सुन्दै आएको र अन्ततस् बीपीकै विचारधारामा आफूलाई समाहित गरेको बताएकी छिन् ।
