अत्तरिया, ७ बैशाख- कैलालीको गोदावरी नगरपालिका वडा नं. २ अत्तरियामा रहेको महिला तथा बालबालिका सेभ हाउसलाई फ्रिज सहयोग गरिएको छ । अनाथ एबम् असहाय महिलाहरुलाई लामो समयदेखी संरक्षण दिदै आएको सेभ हाउसलाई नेपाल निजामती कर्मचारी संगठन कैलालीले फ्रिज सहयोग गरेको हो ।
नेपाल निजामती कर्मचारी संगठनको ३१ औँ स्थापना दिवसको अबसर पारेर सेभ हाउसलाई फ्रिज सहयोग गरेको निजामती कर्मचारी संगठन कैलालीले जनाएको छ ।
नेपाल निजामती कर्मचारी संगठन कैलालीका अध्यक्ष श्याम प्रसाद जोशीको सभापतित्वमा सम्पन्न सहयोग हस्तान्तरण कार्यक्रममा गोदावरी नगरपालिकाका नगर प्रमुख हरि सिं साउँद प्रमुख अतिथी रहेको थिए ।
त्यसैगरी कार्यक्रममा नेपाल निजामती कर्मचारी संगठनका केन्द्रिय उपाध्यक्ष रामचन्द्र जोशी र केन्द्रिय लेखा परीक्षण आयोगका संयोजक जयदेव जोशी बिशिष्ट अतिथी रहेका थिए । २३ हजार ५ सय बराबरको उक्त फ्रिज प्रमुख अतिथी र बिशिष्ट अतिथीले सेभ हाउसकी अध्यक्ष जानकी मलासीलाई हस्तान्तरण गरेका थिए । संगठनको स्थापना दिवसमा जिल्लाभरी बिभिन्न कार्यक्रमहरु गर्दै आएकोमा यस पटक अनाथ एबम् असहायहरुका लागि भनेर फ्रिज सहयोग गरिएको अध्यक्ष श्याम प्रसाद जोशीले बताए ।
स्थापना दिवसको अबसरमा आफ्नो संस्थामा पुगेर गर्मीको समयमा अति आवश्यक फ्रिज सहयोग गरेको नेपाल निजामती कर्मचारी संगठन कैलाली परिवारलाई अध्यक्ष मलासीले धन्यवाद दिए । कार्यक्रमको संचालन सचिब लक्ष्मण जोशीले गरेका थिए ।
