अत्तरिया-कैलालीको गोदावरी नगरपालिका वडा नं २ तेघरीमा नि:शुल्क उद्धघोषण तालिमको सुरु भएको छ ।
तेघरी सामुदायिक वन उपभोक्ता समितिको आयोजनामा शुक्रवार देखी ७ दिने नि:शुल्क उद्धघोषण तथा ब्यक्तित्व विकास तालिम सुरु भएको हो ।
तेघरी सामुदायिक बनका अध्यक्ष मदन शर्माको सभापतित्वमा आयोजिक उद्घाटन कार्यक्रममा स्थानिय जेष्ठ नागरिक प्रेमदत्त भट्ट प्रमुख अतिथी रहेका थिए भने बिशिष्ट अतिथीमा वन समितिका पूर्व उपाध्यक्ष देवी शर्मा सुवेदी र थ्रिडिभिएल क्रियसनका अध्यक्ष दिपक ओझा रहेका थिए ।
तेघरी सामुदायिक बनमा आबद्ध उपभोक्ताहरुको ब्यक्तित्व विकास र बोल्ने कलाको विकास होस भन्ने उदेश्यका साथ नि:शुल्क तालिमको आयोजना गरिएको अध्यक्ष शर्माले जानकारी दिए ।
तेघरी सामुदायिक वन उपभोक्ता समितिको कार्यलयमा संचालन भैरहेको तालिम सहभागीता जनाउन चाहाने इच्छुक उपभोक्ताहरुलाई तालिममा सहभागी भई मौकाको फाईदा उठाउन उनले आग्रह गरे ।
कार्यक्रममा तेघरी सामुदायिक बनका कोषाध्यक्ष खेमराज ओझा , दुर्गालक्ष्मी सामुदायिक वनका अध्यक्ष दुर्गा कडायत , थ्रिडिभिएलका अध्यक्ष दिपक ओझाले शुभकामना मन्तब्य राखेका थिए ।
तालिमको प्रशिक्षकमा गोदावरी एफ एमका समाचार प्रमुख हेमराज भट्ट , समिर महरा र प्रेरणा पाण्डे रहेका छन् । कार्यक्रम संयोजक एबम् वन समितिकी सचिव कमला महराको स्वागत मन्तब्यवाट सुरु भएको कार्यक्रमको संचालन थ्रिडिभिएल क्रियसनका एलआर ओझाले गरेक थिए ।