अत्तरिया- नेकपा माओवादी केन्द्र गोदावरी नगर कमिटीको अध्यक्षमा धर्म सिह कुँवर निर्वाचित भएका छन । माओवादी केन्द्र गोदावरी नगरको प्रथम नगर सम्मेलनबाट कुँवर निर्विरोध अध्यक्षमा निर्वाचित भएका हुन ।
२०५९ सालमा अखिल (क्रान्तिकारी) बाट राजनीतिक यात्रा सुरु गरेका कुँवर सोही बर्ष सिद्धभगवती निमावि डडेलधुराको ईकाई अध्यक्ष बनेको थिए । २०६० सालमा अखिल (अखिल क्रान्तिकारी) डडेलधुरा जिल्ला एरिया नम्बर ५ को सदस्य रहेका कुँवर २०६१ सालमा अखिल (क्रान्तिकारी) डडेल्धुरा जिल्ला सदस्य बनेका थिए । कुँवर २०६३ सालमा कञ्चनपुरमा रहेको कृष्ण उमाबि गुलरिया इकाई सचिब हुँदै २०६४ सालमा अखिल (क्रान्तिकारी) दुर्गालक्ष्मी बहुमुखी क्याम्पस अत्तरियाको इकाई सचिब र कैलाली जिल्ला सदस्य रहेका थिए ।
उनी २०६५ सालमा अखिल (क्रान्तिकारी) कैलाली जिल्ला सचिवालय सदस्य, दुर्गालक्ष्मी बहुमुखी क्याम्पस ईकाइ अध्यक्ष हुँदै तत्कालीन नेकपा (माओवादी) पार्टी कैलाली जिल्ला सदस्य रहेका थिए । २०६७ सालमा पार्टी एसीएम, अखिल (क्रान्तिकारी) क्षेत्र नम्बर ५ क्षेत्रिय संयोजक, ईन्चार्ज र प्रस्तावित पार्टी जिल्ला सदस्य रहेका कुँवर २०६९ सालमा पार्टीको डडेल्धुरा जिल्ला सदस्यमा चयन भएका थिए ।
२०७० सालमा जिल्ला कमिटी सदस्य, आलिताल गाउँ कमिटी सचिव, अखिल नेपाल शिक्षक संगठन जिल्ला सचिवालय सदस्य बनेका कुँवर २०७१ सालमा आलिताल गाउँ कमिटी उपाध्यक्ष, कार्यबाहक अध्यक्ष समेत रहेका थिए ।
२०७३ सालमा पुनः कैलाली जिल्ला सदस्य र तत्कालिन अत्तरिया नगर संयोजक बनेका कुँवर २०७३ सालमा अखिल (क्रान्तिकारी) को केन्द्रिय सदस्य एबम् तत्कालिन ७ नम्बर प्रदेश कार्यालय सचिवमा नियुक्त भएका थिए । २०७३ मै गोदावरी नगर कमिटी सचिव एबम् जिल्ला सम्मेलन आयोजक कमिटी सदस्य बनेका उनी २०७६ मा तत्कालिन नेपाल कम्युनिस्ट पार्टी (नेकपा) कैलाली जिल्ला सदस्य एबम् गोदावरी नगर सह- ईन्चार्ज बनेका थिए ।
त्यसपछि २०७८ भाद्र १० गते नेपाल कम्युनिस्ट पार्टी (माओवादी केन्द्र) गोदावरी नगर सम्मेलन आयोजक समिति सदस्य एबम जिल्ला समन्वय समिति सदस्य बनेका कुँवर हाल गोदावरी नगर अध्यक्षमा निर्वाचित भएका हुन ।
त्यसैगरी कमिटीको उपाध्यक्षमा तिलक चौधरी, दिनेश शाह, कमला कैनी चयन भएका छन । कमिटीको सचिवमा मदन कठायत, सह सचिवमा तुलसी प्रसाद जोशी, कोषाध्यक्षमा शेर बहादुर बिष्ट चयन भएका छन । सम्मेलनबाट ६५ सदस्यीय नगर कमिटी गठन गरिएको अध्यक्ष कुँवरले बताए ।