डोटी, १८ कार्तिक– डोटीमा मोटरसाइकलको ठक्करबाट एक जनाको मृत्यु भएको छ। शिखर नगरपालिका वडा नं. ८ गोपघाटमा मोटरसाइकलको ठक्करबाट शिखर नगरपालिका वडा नं.७ सेटीगाउँकी ६५ वर्षीया कृष्णादेवी कार्कीको मृत्यु भएको हो ।
मोटरसाइकलको ठक्करबाट घाइते भएकी कार्कीलाई उपचारको लागि धनगढी लैजाने क्रममा मृत्यु भएको जिल्ला प्रहरी कार्यालय डोटीले जनाएको छ।
दिपायलबाट डडेल्धुरा जादै गरेको लु ६५ प १५२० नम्बरको मोटरसाइकलले केआईसिंह राजमार्ग अन्तर्गत शिखर नगरपालिका वडा नं. ८ गोपघाटमा बुधबार दिउँसो करिब १ बजे कार्कीलाइ ठक्कर दिएको थियो।
