धनगढी- कैलालीको धनगढी उपमहानगरपालिका–३ बडरा क्षेत्रमा प्रहरीले भन्सार छलि गरी भारतबाट अवैध रूपमा ल्याइएको पेय पदार्थसहित दुई जनालाई नियन्त्रणमा लिएको छ।
करिब ४ लाख ७१ हजार २०० रुपैयाँ बराबरका पेय पदार्थ र दुई वटा मोटरसाइकलसहित उनीहरूलाई शनिबार साँझ पक्राउ गरिएको हो।
जिल्ला प्रहरी कार्यालय कैलालीबाट खटिएको टोलीले कञ्चनपुरको कृष्णपुर नगरपालिका–७ निवासी २७ वर्षीय धुर्व राना र सोही स्थानका २९ वर्षीय सदिश रानालाई उक्त सामानसहित फेला पारी नियन्त्रणमा लिएको जनाएको छ।
प्रहरीले बरामद पेय पदार्थ, मोटरसाइकल तथा दुवै जनामाथि आवश्यक अनुसन्धान प्रक्रिया अघि बढाएको जनाएको छ।
