अत्तरिया, १५ भदौ- सुदूरपश्चिमको स्थायी राजधानी कैलालीको गोदावरी नगरपालिका वडा नं. २ मा अवस्थीत सुदूरपश्चिम समावेशी विद्यालय अत्तरियालाई मंगलबार खाद्यान्न सहयोग गरिएको छ । रिलायबल नेपाल लाईफ इन्स्योरेन्स लिमिटेड शाखा अत्तरियाले आफ्नो चौथो बार्षिक उत्सवको अवसरमा विद्यालयलाई खाद्यान्न सहयोग गरेको हो ।
खाद्यान्न अन्तर्गत ३ कट्टा चामल,४ केजी मसुर अरर दाल, २ लिटर खाने तेल, २ दर्जन नुहाउने र कपडा धुने साबुन गरि ५ हजार ५ सय २० बराबरको सामान एक औपचारिक कार्यक्रम बिच वितरण गरिएको रिलायबल इन्स्योरेन्स अत्तरिया शाखाका प्रमुख धर्म सि कुवरले बिद्यालयका प्रअ देवि साउदलाई हस्तान्तरण गरेका थिए ।
कुवरले बार्षिक उत्सवको अवसरमा थोरै भएपनि विद्यालयलाई सहयोग गर्न पाउँदा खुशि व्यक्त गर्दै आगामि दिनमा पनि विद्यालयलाई प्रत्यक्ष तथा अप्रत्यक्ष रुपमा सहयोग गर्ने प्रतिबद्धता व्यक्त समेत गरेका थिए ।
कार्यक्रममा रिलायबलका स्टाफ नवराज शर्मा, कविता चन्द, बिद्यालयका स्टाफ र बिद्यार्थीहरुको सहभागिता समेत रहेको थियो ।
उक्त कार्यक्रममा विद्यालयका प्रअ देवि साउदले सहयोगी रिलायबल नेपाल लाईफ इन्स्योरेन्स लिमिटेडलाई हार्दिक धन्यवाद सहित कार्यक्रम समापन गर्नु भएको थियो ।