जनकपुरधाम- जानकी मन्दिरको विवाह मण्डपमा अश्लील हर्कत गरि भिडियो बनाएर टिकटकमा अपलोड गर्ने एक जनालाई धनुषा प्रहरीले पक्राउ गरेको छ।
पक्राउ पर्नेमा धनुषाको औरही गाउँपालिका–६ का १८ वर्षीय अनिरुद्र यादव रहेको धनुषाका प्रहरी नायब उपरीक्षक बेदप्रसाद गौतमले जानकारी दिए।
अनिरुद्रले केही दिनअघि जानकी मन्दिर छेउमा रहेको विवाह मण्डपमा एक युवतीसँग अश्लील हर्कत गरिँदै गरेको भिडियो बनाएर टिकटकमा अपलोड गरेपछि उनलाई शुक्रवार प्रहरीले पक्राउ गरेको हो।
धनुषा प्रहरीलाई स्थानीय मन्दिर प्रशासन, युवाहरूले समेत सामाजिक सञ्जालबाटै विरोध गरेपछि उनलाई पक्राउ गरिएको हो । पक्राउ परेका अनिरुद्रमाथि अभद्र व्यवहार मुद्दा दर्ता गरिएको प्रहरी नायब उपरीक्षक गौतमले जानकार दिएका छन।
प्रहरीका अनुसार टिकटको भिडियोमा देखिएको युवती र भिडियो खिच्नेको खोजी भइरहेको छ । धार्मिक स्थल रहेको विवाह मण्डप प्रवेशसहित मोबाईल, क्यामेरामा प्रतिबन्ध नरहेको कारण विभिन्न समयमा यस्ता अश्लील हर्कतका भिडियोहरू सार्वजनिक हुँदै आएको छ।
