महेन्द्रनगरको कभर्डहल छेउमै ‘मल्टिप्रपोज कभर्डहल’ निर्माण हुने

कञ्चनपुर- महेन्द्रनगरमा मल्टिप्रपोज कभर्डहल निर्माण कार्यको सिलान्यास गरिएको छ। बिहीबार सुदूरपश्चिम प्रदेशका सामाजिक विकास मन्त्री झपटबहादुर साउदले कभर्डहल निर्माण कार्यको सिलान्यास गरेका हुन। सिलान्यास गर्दै मन्त्री साउदले कभर्डहलको स्थापना हुनु संयोग मात्र नभएर आवश्यकता रहेको बताए।

‘यहाँ कभर्डहल स्थापना हुनु संयोग मात्र नभई आवश्यकता हो,’ उनले भने, ‘क्रिकेट जगतमा जसरी देशले अन्तर्राष्ट्रिय स्तरमा शीर ठाडो पारेको छ, त्यसमा महत्वपूर्ण योगदान कञ्चनपुरको छ।’ क्रिकेट मात्र नभएर अन्य खेलमा पनि शीर ठाडो पार्न रंगशाला सिलान्यास र निर्माणले महत्वपूर्ण योगदान गर्ने मन्त्री साउदको विश्वास छ।

Navadurga sun

सुदूरपश्चिम प्रदेश सरकारले ‘स्कुल देखि ओलम्पिक सम्म’ भन्ने खेलकुद नीति ल्याएको मन्त्री साउदले बताए। ‘प्रदेश सरकारले स्कुल देखि ओलम्पिकसम्मको खेलकुद नीति ल्याएको छ, जसमा कञ्चनपुर जिल्लाको सहयोगको आवश्यकता छ,’ मन्त्री साउदले भने।

सामाजिक विकास मन्त्रालयले १३ करोड ३ लाख २८ हजार ०१९ (भ्याटसहित) रुपैयाँ लागतमा मल्टिप्रपोज कभर्डहल निर्माण गरिरहेको छ। मुख्य कभर्डहलको छेउमै मल्टिप्रपोज कभर्ड हल स्थापना हुने भएको हो।

कभर्डहल निर्माण कार्यको जिम्मा धनगढीको बैजनाज–कन्टुर जे भीले पाएको छ। यहीँ असार ४ मा कभर्डहल निर्माण कार्य गर्ने सम्झौता भएको थियो। निर्माण कम्पनीसँग २०८३ असार ३ मा निर्माण कार्य सम्पन्न गर्ने गरी सम्झौता गरिएको छ।

ADD Khali jpg
Loading...