अत्तरिया- कैलालीको गोदावरी नगरपालिकाले दादुरा बिरुद्धको खोप अभियान शुरु गरेको छ । गोदावरी नगरपालिका वडा नं. ३ का ४ जनामा दादुरा देखिएपछि वडा नम्बर १, २, ३ र १० मा खोप अभियान शुरु गरिएको गोदावरी नगरपालिका स्वास्थ्य शाखाका प्रमुख नबराज अबस्थीले जानकारी दिए ।
उनका अनुसार ६ महिना देखी १५ बर्ष उमेर समुहका सबै बालबालिकालाई खोप लगाइने छ । अबस्थीले दादुरा उन्मुल भइसकेपछि पुनः दादुरा देखिएकाले सबैलाई साबधानी अपनाउन आग्रह गरेका छन् ।
अहिलेको दादुरा तिब्र गतीमा फैलिन सक्ने सम्भाबना रहेको उनले बताए । कैलालीको धनगढी, गोदावरी र गौरीगंगामा दादुराका बिरामी देखिएका छन् ।
