धनगढी- कैलालीमा श्रीमतीको हत्या गरेर श्रीमान फरार भएका छन् । जिल्लाको गौरिगंगा नगरपालिका वडा नम्बर ५ मा श्रीमानले श्रीमतीको हत्या र छोरीलाई घाइते बनाएर फरार भएका हुन् ।
गौरिगंगा नगरपालिका वडा नम्बर ५ का शेर बहादूर नामजाली मगरले आफल्नै श्रीमती ललिता नामजाली मगरको धारिलो हतियार प्रयोग गरेर हत्या गरेको पाइएको हो ।
इलाका प्रहरी कार्यालय मालाखेती कैलालीका अनुसार बुधबार मात्रै भारतबाट आएका शेर बहादुरले आज (बिहिवार) बिहानै श्रीमतीको हत्या र छोरी घाइते बनाएर फरार भएका हुन् ।
शेर बहादुरले आफ्नै छोरी लक्ष्मी नामजाली मगरलाई घाइते बनाएको प्रहरीले बताएको छ । उनको स्थानिय अस्पतालमा उपचार भइरहेको छ । शेरबहादुरको खोजी कार्य भइरहेको र घटनाको अनुसन्धान भइरहेको प्रहरीले बताएको छ।