धनगढी- महेन्द्र राजमार्ग अन्तरगतका विभिन्न स्थानमा गाइको व्यवस्थापनका लागी भक्त बि। बि। फर ह्युमानिटीले पहल थालेको छ । राष्ट्रीय तथा अन्तरराष्ट्रीय स्तरमा बिबिध समाजिक सेवाका कार्यहरू गर्दै आईरहेको समाजिक संस्था भक्त बि बि फर ह्युमानिटीले छाडारुपमा छोडिएका गाईहरुको व्यवस्थापनका लागी कार्य अघि बढाएको हो ।
स्थानियपालिकाहरुको सहकार्यमा छोडिएका गाई गोरु संरक्षणका लागी गौशाला निमार्ण गर्ने कार्य अघि बढाइने सस्थाले जनाएको छ । देशैभरी १४ स्थानमा गौशाला खोलेर हजारौं गाईगोरु हरुको संरक्षण गर्दै आएका योगि पिताम्बरको संरक्षण तथा सल्लाह बमोजिम र वसाह वर्डा गौ सेवा आश्रम संगको सहकार्यमा महेन्दनगर देखी लम्की सम्म गाईको व्यवस्थापनका लागी कार्य गर्ने संस्थाका सहसंयोजक राज बहादुर चन्दले बताए ।
यसै कार्यक्रम शुरुवातका रुपमा बर्दिया जिल्लामा रहेको वारबर्दिया नगरपालिकामा स्थित वसाह वर्डा गौ सेवा आश्रममा रहेको गौशालामा गौ संरक्षण को आवश्यकता तथा दिगो ब्यबस्थापन बिषयक छलफल कार्यक्रम श्रावण १९ गते सम्पन्न भएको छ ।
पुर्ब मन्त्री एवं नेपाली काँग्रेसका नेता रमेश लेखक सहित विभिन्न राजनैतिक दलका अगुवा नेताहरू एवं समाजसेविहरु, विभिन्न स्थानिय सरकारका प्रमुख तथा उपप्रमुख एवं प्रतिनिधि लगायतको उपस्थितीमा बृहत अन्तरक्रिया कार्यक्रम गरिएको हो । कार्यक्रमा सहभागीहरुले गाईको दिगो व्यवस्थापनका लागी प्रतिवद्धता समेत जनाएका छन् ।
कार्यक्रमा धनगढी उपमहानगरपालिकाका नगरप्रमुख, उप९प्रमुख,भिमदत्त नगरपालिकाका नगरप्रमुख, उपप्रमुख, बेतकोट नगरपालिकाका उपप्रमुख, त्यसै गरि शुक्लाफाँटा, गोदावरी, गौरीगङ्गा, घोडाघोडी नगरपालिका र कैलारी गांउपालिकाका अध्यक्ष तथा कर्मचारी र प्रतिनिधिहरुको पनि उपस्थिति रहेको थियो ।
उक्त कार्यक्रममा लुम्बीनी प्रदेशका नेपालगन्ज उपमहानगरपालिका, बाँसघडी नगरपालिका, बर्दिया र वारबर्दिया नगरपालिकाका प्रमुख तथा अन्य जनप्रतिनिधि, स्थानीयहरु, विभिन्न मिडिया हाउसका पत्रकारहरु, कृषि तथा पशु बिज्ञहरुको ठूलो उपस्तिथि रहेको थियो ।
छोडिएका गाईगोरु सबैको सांझा समस्या रहेको कुरा औंल्याउदै योगि पिताम्बरले गाईको महत्व र गाई बाट लिन सकिने उत्पादनहरुको बारेमा महत्वपुर्ण कुरा बताउनु भएको थियो ।
उक्त कार्यक्रममा नेता तथा पुर्व मन्त्री रमेश लेखकले गाई संरक्षण मा आफू लागि पर्ने र सरोकारवाला सबैलाई हर सम्भव सहयोग गर्ने कुरा बताउनु भयो ।
यसै गरि उपस्थित जनप्रतिनिधि हरुले आआफ्नो क्षेत्रमा छोडिएका गाईगोरुको छिटोभन्दा छिटो व्यवस्थापन एव संरक्षण गर्न उचित उपाय खोजेर आजै बाट काम थाल्ने प्रतिबद्धता गर्नुभएको छ ।
गौशालाका संचालनका लागी सहयोग गर्ने
बेतकोट नगरपालिका लस्थित बैतडा सामुदायीक बनकाका अध्यक्ष तोयाराज अवस्थीले गाईचरनका लागि सामुदायिक बन उपलब्ध गराउने प्रतिबद्धता जाहेर गर्नु भएको छ ।
सोही ठाउँमा रहेको बाल ज्योती मा।बि। का विद्यालय संचालक समिती अध्यक्ष सुर्य भण्डारीले गौशाला खोल्न उक्त विद्यालय को बाह्र बिगाहा जग्गा उपलब्ध गराउने आश्वाशन दिनु भएको छ ।
सोही वडामा सहकारीकर्मी मन्जु सिहंले गौशाला सङ्ग आफुहरुको पाँच सय जना संख्या रहेको महिला समूह जोडिएर काम गर्ने लक्ष्य रहेको बताउनु भयो।
कार्यक्रमको अन्तिम मा आगन्तुक पाहानुहरु र योगि पिताम्बर द्वारा गौशाला आश्रममा औसधिय गुण भएका विभिन्न बिरुवाहरु पनि रोपण कार्य सम्पन्न गरिएको थियो ।
छिट्टै छाडा गाईगोरुको समस्या सम्बोधन हुने कुराको बिश्वास भक्त बि बि फर ह्युमानिटीले लिएको ह्युमनिटीका प्रतिनिधि राज बहादुर चन्द ले बताएका छ्न भने संस्थाको तर्फ बाट उक्त कार्यक्रम सफल तुल्याउन प्रत्यक्ष अप्रत्यक्ष सहयोग गर्नु हुने सम्पुर्ण सहित योगि पिताम्बर, सहकार्य गर्ने वार बर्दिया नगरपालिका, गौ आश्रम का गौ सेवकहरु लागायत उपस्थित सवैमा हार्दिक आभार ब्यक्त समेत गरेका छन ।
भक्त बि बि फर ह्युमानिटीले कोरोनाकालमा समेत कैलाली तथा देशका विभिन्न ठाउँमा कोरोना प्रभावितहरुको निशुल्क व्यवस्थापन गरको थियो ।