कञ्चनपुर, ९ माघ– कञ्चनपुरको सीमा नाकामा (नेपाल-भारत) आवजाउमा समेत कडाई गरिने भएको छ । दिनप्रतिदिन कोरोना महामारी बढ्दै गएपछि जिल्ला कोभिड व्यवस्थापन समितिले सीमा नाकाहरुमा कडाई गरिने निणर्य गरेको छ ।
आइतबार कञ्चनपुरका प्रमुख जिल्ला अधिकारी राम प्रशाद पाण्डेको अध्यक्षमा बसेको जिल्ला कोभिड व्यवस्थापन समितिको बैठकले आइतबार १२ बजेदेखि लागु हुने गरि साईकलमा हुने समेत क्यारिङ्ग रोक लगाउने निणर्य गरेको छ । अति आवश्यकीय कामका लागि कोभिड १९ बिरुद्ध लगाएको खोप कार्ड मोबाईलमा राखेर सुरक्षाकर्मीलाई देखाउनुपर्ने निणर्य गरेको छ ।
विवाह, ब्रतजस्ता समाजिक कार्यका लागि २५ जनाको संख्या नबढाई र नित्य कार्य मात्र गरिने छ । एम्बुलेन्समा अनिवार्य जिपिएस राख्न लगाउने र सचेतनाका लागि अभियान संचालन गर्ने निणर्य गरेको छ ।
