धनगढी, ७ पुस– कैलाली जिल्लाको धनगढीमा १५ करोडको लगानीमा हेलो मार्ट खुुलेको छ । बुधबारदेखि चटकपुर र क्याम्पस चोक गरी २ ठाउँबाट हेलो मार्ट सञ्चालनमा आएको हाे ।
कैलाली उद्योेग वाणिज्य संघका अध्यक्ष पुष्पराज कुँवरले चटकपुरमा रहेको हेलो मार्टको रिवन काटेर उद्घाटन गरेका थिए भने क्याम्पस चोकमा रहेको मार्टको धनगढी उपमहानगरपालिका–८ का वडाध्यक्ष नारायण बरालले उद्घाटन गरेका हुन् ।
प्रदेशको राजधानी अत्तरियामा पुष ९ गते र लम्कीमा एक महिनाभित्र मार्टको शाखा सञ्चालनमा ल्याइने हेलो मार्टका प्रबन्ध निर्देशक राजुु बोहराले बताए । उनका अनुसार कम्तीमा पनि तीन महिनाभित्र संघीय राजधानी काठमाडौँ, डडेल्धुरा, चिसापानी, टीकापुर र कोहलपुुरमा गरेर थप ५ ठाउँमा मार्टको शाखा विस्तार गर्ने योजना छ ।
मार्टमा सबै किसिमका सरसामान उपलब्ध हुनेछन् । विशेष गरेर सुदूरपश्चिममै उत्पादन हुने अर्गानिक तरकारी, दाल तथा फलफूल, दुुग्धजन्य वस्तुुहरु, कुखुरा, हाँस र कालिज लगायतका स्थानीय उत्पादन खरिद गरेर बिक्रि गर्ने योजना बनाइएको बोहराले जनाएका छन् ।