अत्तरिया, ८ मंसिर– जिल्लामा गाईसँग मोटरसाइकल ठोकिँदा २ जना घाइते भएका छन् । जिल्लाको लम्कीचुहा नगरपालिका वडा नं. ३ धोबिनखोला पुल नजिक पश्चिमबाट पूर्वतर्फ जाँदै गरेको से४प ४०५ नम्बरको मोटरसाइकल सडकमा रहेका छाडा गाईसँग ठोकिएको प्रहरीले बताएको छ ।
उक्त दुर्घटनामा मोटरसाइकल चालक जानकी गाउँपालिका वडा नं. ९ का ३५ वर्षीय दीर्घ रावल र पछाडि सवार सोही ठाउँका ३७ वर्षीया अर्जुन रावल घाइते भएका प्रदेश ट्राफिक प्रहरी कार्यालय अत्तरियाले जनाएको छ ।
प्रहरीका अनुसार उनीहरु दुवै जनालाई स्थानिय लालरत्न अस्पतालमा लगिएकोमा चालक रावललाई भने थप उपचारका लागि नेपालगञ्ज रिफर गरिएको छ । मोटरसाइकल ईलाका प्रहरी कार्यालय लम्कीको नियन्त्रणमा रहेको बताइएको छ ।
