धनगढी, २१ कार्तिक- कैलालीमा मोटरसाइकल दुर्घटना हुँदा तीन जना घाइते भएका छन् । लम्कीचुहा नगरपालिका वडा नं.७ मा मोटरसाइकल दुर्घटना हुँदा तीन जना घाइते भएको प्रहरीले जनाएको छ ।
टिकापुरतर्फ गइरहेको नम्बर नखुलेको मोटरसाइकल अनियन्त्रित भएर दुर्घटना भएको प्रदेश ट्राफिक प्रहरी कार्यालय अत्तरियाले जनाएको छ ।
दुर्घटनामा मोटरसाइकल चालक सोही ठाउँका २८ वर्षीय श्रीराम चौधरी उनकी २५ वर्षीय श्रीमती ज्ञानु चौधरी र तीन वर्षीय छोरा करन चौधरी घाइते भएका छन् ।
छोराको अवस्था गम्भीर रहेको छ श्रीमान श्रीमती सामान्य घाइते भएको प्रहरीले जनाएको छ । बालकलाई थप उपचारका लागि कोहलपुर रेफर गरिएको प्रहरीले जनाएको छ ।
