कञ्चनपुर, १३ कार्तिक- जिल्लामा प्रहरीले मोटरसाईकल चोरी गरेको आरोपमा चार जनालाई प्रहरीले पक्राउ गरेको छ। कार्तिक ७ गते बेलौरी नगरपालिकाका ४ बेलौरीको माथिल्लो बजारमा मोटरसाइकल चोरी भएका थिए।
प्रहरीले चोरी घटनाको अनुसन्धान थालेपछि सोरुमबाट मोटरसाइकल चोरी गर्ने शुक्लाफाँटा नगरपालिका वडानम्बर ११ कलवापुरका २० वर्षीय विवेक बम, वडानम्बर १२ का १९ वर्षीय ठग्गी राना, वडानम्बर १ का १९ वर्षीय पारस बिष्ट र १८ वर्षीय किरन नाथलाई पक्राउ गरिएको प्रहरीले जनाएको छ।
उनीहरुले केएम ईन्टरप्राईजेज बजाज सोरुमबाट सटरको ताला र सिसाको ढोका फोडेर ३ वटा मोटरसाइकल चोरी गरेका थिए।उनीहरुमाथि कानून बमोजिम कारवाहीको तयारी भइरहेको बताइएको छ।
