धनगढी- लागूऔषध र हातहतियार मुद्दामा फरार कैलालीका २ जना पक्राउ परेका छन् ।
पक्राउ पर्नेमा हातहतियार तथा खरखजना मुद्दामा २४ दिन कैद सजाय र १० हजार जरिवाना तोकिएको कैलालीको कैलारी गाउँपालिका-८ पृथ्वीपुर बस्ने दयाराम चौधरी र लागूऔषध मुद्दामा १९ दिन कैद सजाय तोकिएका सोही ठाउँ बस्ने रिता कठरिया रहेको प्रहरीले जनाएको छ ।
जिल्ला अदालत कैलालीको बिभिन्न मितिको फैसलाले कैद सजाय तथा जरिवाना ठहर भई फरार रहेका दुबै जनालाई इलाका प्रहरी कार्यालय हसुलिया, कैलालीबाट खटिएको प्रहरी टोलीले पक्राउ गरेको बताइएको छ।
