धनगढी- कैलालीबाट तीन लाखबढीको भन्सार छलीका सामान नियन्त्रणमा लिइएको छ।
जिल्लाको बिभिन्न स्थान गोदावरी नगरपालिका–२ धनगढी रोड छ लेन सडक खण्डको किनारा, भजनी नगरपालिका–६ थापापुर, भजनी नगरपालिका–७ हिक्मतपुर, टीकापुर नगरपालिका–१ ब्लक नम्बर २५ स्थित सडक खण्ड र कैलारी गाउँपालिका–७ पुरानो भुईयाफाटाबाट अबैंध रुपमा भारतबाट भन्सार छली गरि ल्याएका अन्दाजी मूल्य ३ लाख १५ हजार ५३० बराबरको सामान प्रहरीले नियन्त्रणमा लिएको हो।
प्याज, बिडी, सुर्ती, सुपारी, लेडिज व्याग, तातो टोपी, गम, ब्याट्री लगायतका सामान जिल्ला प्रहरी कार्यालय कैलाली मातहत कार्यालयबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको हो।