अत्तरिया- कैलालीको गोदावरी नगरपालिका वडा नम्बर ९ को कार्यालयमा लगाइएको ताला ६ दिनपछि खुलेको छ ।
वडाबासीले वडा जोड्ने सडक कालोपत्रे गर्नुपर्ने, खुटिया नदीबाट उठेको नदीजन्य पदार्थको २५ देखी ३५ प्रतिशत रकम सोही ठाउँमा लगानी गर्नुपर्ने लगायतका माग राख्दै गत आइतबार (असोज १३ गते) वडा नम्बर ९ को कार्यालयमा तालाबन्दी गरेका थिए ।
वडा अध्यक्ष रामलाल रानाको अध्यक्षतामा आज बसेको संघर्ष समिति र सर्वदलीय बैठकमा संघर्ष समितिका मागहरू नगरपालिकाको हिउँदे अधिवेशन अघि सम्बोधन गर्ने प्रतिवद्धता जनाएपछि तालाबन्दी खोलिएको हो।