अत्तरिया- कैलारी गाउँपालिका वडा नम्बर ६ भगतपुर स्थित घुरा नदिमा एक नाबालकको शव फेला परेको छ । आज दिउँसो करिब ३ बजेर २० मिनेटको समयमा अन्दाजी ११ र १२ बर्षको केटा मान्छेको शव फेला परेको जिल्ला प्रहरी कार्यालय कैलालीले जानकारी दिएको छ ।
घुरा नदिमा नुहाउने क्रममा नदिमा डुबी मृत्यु भएको हुन सक्ने प्रहरीले जनाएको छ । बालकको नाम, थर, उमेर र कुन ठाउँको हो भन्ने पहिचान नखुलेको बताइएको छ । सो ठाउँ नजिकका व्यक्तिहरूलाई बालकको पहिचानका लागि सहयोग गरिदिन हुन अनुरोध गरिएको छ ।